छत्रपती शिवाजी महाराज यांच्या वेषातील ‘या’ बॉलिवूड अभिनेत्याला ओळखलं का?

छत्रपती शिवाजी महाराज यांच्या वेषातील ‘या’ बॉलिवूड अभिनेत्याला ओळखलं का?

बॉलिवूड आणि दाक्षिणात्य अभिनेता आर माधवन यानं त्याच्या इन्स्टाग्राम अकाऊंटवर काही फोटो शेअर केले आहेत. या फोटोंमध्ये त्याचे वेगळवेगळे लुक्स पाहायला मिळत आहे. माधवननं शेअर शेअर केलेल्या फोटोंमध्ये एक फोटो सर्वांचच लक्ष वेधून घेत आहे. तो फोटो आहे छत्रपती शिवाजी महाराज यांच्या रुपातील.

छत्रपती शिवाजी महाराज यांच्या वेषातील फोटो शेअर केल्यानंतर माधवनच्या चाहत्यांनी प्रतिक्रियांचा पाऊस पाडला आहे. त्याच्या या लूकसाठी त्याचं कौतुकही होत आहे.आर. माधवन लवकरच ‘रॉकेट्री : द नंबी इफेक्ट’ या चित्रपटातून प्रेक्षकांच्या भेटीला येत आहे. काही महिन्यांपूर्वी चित्रपटाचे शूटींग सुरू आहे. त्याचा एक फोटो सोशल मीडियामध्ये व्हायरल झाला आहे. यातील त्याचा लूक पाहून त्याला ओळखणे कठीण आहे.

चेहऱ्यावर चक्क पांढरी दाढी, पांढरे केस, वाढलेले वजन अशा वेगळ्याच लूकमध्ये तो चित्रपटात मुख्य भूमिका साकारताना दिसणार आहे.सध्या बॉलिवूडमध्ये बायोपिकचा ट्रेंड चालू आहे, ‘रॉकेट्री : द नंबी इफेक्ट’हा चित्रपट इस्रोमधील ज्येष्ठ वैज्ञानिक नंबी नारायणन यांच्या जीवनावर आधारित आहे. १९९४ मध्ये हेरगिरीच्या खोट्या आरोपाखाली त्यांना अटक करण्यात आली होती.

परंतु त्यांच्यावरचे हे सर्व आरोप खोटे ठरले आणि त्यांना निर्दोष ठरवण्यात आले. या बायोपिकद्वारे आर. माधवन दिग्दर्शनात आपले पाऊल टाकत आहे.आर. माधवनने या चित्रपटातील नंबी नारायण या भूमिकेसाठी स्वत:ला पूर्णपणे झोकून दिले आहे. गेली दोन वर्ष तो या भूमिकेची तयारी करत आहे.

माधवनने सोशल मीडियावर फोटो काही पोस्ट केले आहेत, त्यात तो ओळखताही येत नाही आहे. या आधीही त्याने एक चित्रपटाच्या मेकअपचा व्हिडीओ पोस्ट केला होता, त्या मेकअपसाठी त्याला १४ तास मेहनत घ्यावी लागली होती.त्याच्या या लूकवरून चाहत्यांमध्ये चित्रपटाविषयी उत्सुकता निर्माण झाली आहे.

admin